recent
أخبار ساخنة

الايميل الجامعي تعرف علي كل ما يخص ايميل الجامعه

الايميل الجامعي تعرف علي كل يخص ايميل الجامعه 

الايميل الجامعي تعرف علي كل يخص ايميل الجامعه 
أن كنت طالب فأهنئك لوصولك الي هذا المقال الهام

تعرف ان انت كطالب او دكتور او معيد في اي جامعه..

أذا أنت طالب أستغل كل الحقوك خاصتك
 في جيبك حوالي 5000$ و انت مضيعهم في الهوا و عمرك ما فكرت تسأل عنهم ولا تاخدهم.
بما ان النظام التعليمي هنا في مصر ممتاز و كلنا بنفهم كل حاجة و الحياة جميلة و عارفين كل حقوقنا اللي المفروض ناخدها ففي نعمة كبيرة جدا كلنا الحمد لله عارفينها اسمها الإيميل الجامعي.
و ده بالظبط زي الكارنيه الجامعي بتاعك بس علي النت.
طب و ده ايه فايدته؟
في شركات كتير جدا مودوة بتقدم خدمات لكل طلبة العالم.. تقدر انت كمان تعمل Account علي الموقع بتاعهم وتستفيد انت كمان.
تعمل الإيميل الجامعي ده ازاي؟
في كل كلية وحدة Information Technology.. بس جامعة الأزهر ليها مكان واحد في كلية علوم فوق البنك
تاخد صورة كارنية السنه الحالية وصورة البطاقه
تدخل و تقولهم عايز اعمل الإيميل الجامعي .. هيدوك Application تملاه.. و هتجيلك رساله علي إيميل بعد ساعه
الفرق بين إيميل Google - Yahoo - Hotmail وبين الإيميل الجامعي.. ان ده بيبقي شكله كده
وده إيميلي saeed51995@Azhar.edu.eg
لو أنت طالب في جامعة الأزهر هتقدر تعمله من اللينك ده واللي أعلنه المركز الإعلامي للجامعه
دخول الي الموقع

عشان تقدر تفتح الايميل الجامعي استخدم الـLink ده.

دخول الي الموقع

تقدر تحمل كل منتجات شركة Microsoft.. سواء Windows - Office و منتجات انت مسمعتش عنها حاجة.. المنتجات دي بيوصل عددها لاكتر من 150 منتج.. كل ده مجاناً ليك انت كحامل للإيميل الجامعي.
تقدر تحملهم من هنا.
دخول الي الموقع

بس الاول متنساش تعمل Student Account.. عن طريق انك بتـLog in بأي ايميل بتاع شركة Microsoft.. ده اللي هو اية؟
اللي هو الـHotmail - Outlook - Windows Live.. المهم انه بتاع Microsoft.. ومتنساش تعمل Verification من الإيميل نفسه وبكدة تقدر تحمل كل حاجة متاحة في الـSoftware Catalog.
سيبك بقي من Microsoft.. خلينا في Autodesk اشهر من نار على علم طبعا.. و اكتر ناس هتبقي عارفاها المهندسين.
بتقدم برامج زي
(Maya - 3D Max - Inventor Professional - Autocad)
تقدر تحملهم من هنا.
دخول الي الموقع

سيبك بقي من Microsoft و Autodesk و خلينا في شركة JetBrains الشركة دي بقي هتفيدك جدا لو انت مبرمج.. و ما اكثر المبرمجين سواء عندنا في الكلية او براها الشركة دي بتقدم منتجات و ادوات بأكثر من 300$ لو انت مش معاك الأيميل الجامعي ده.
لكن تخيل انك لو عملته هتقدر تاخدها ببلاش.
تقدر تحملهم من هنا.
دخول الي الموقع

طبعا تعليم عن بعد يعني أشهر موقعين
كورسيرا ويوديمي
عاملين كورسات مجانيه لنهاية عام ٢٠٢٠ بسبب كورونا والوضع الراهن حاليا
ده لينك موقع كورسيرا
دخول الي الموقع

لينك موقع يوديمي
دخول الي الموقع

تعالي بقي لشركة Adobe.. تقدر تحصل على برامجها الأصلية من غير ما تقعد تحمل الكراك.. و ينتهي وتفضل تجدد فيه و الكلام ده
و خصومات تصل الى 70% - 60%.
تقدر تحملهم من هنا.
دخول الي الموقع

طب تعرف شركة Amazon.com ايوة هي بتاعة البيع و الشرا دي.. بتقدم خدمات مفيش حد فكر انه يعرف عنها حاجة! و برده للطالب اللي معاه ايميل جامعي.
ممكن تكتشفها بنفسك من هنا.
دخول الي الموقع

دي بقي تعتبر اقوي قائمة برامج و أدوات مجانية من GitHub.
هتشوف حاجات لا سمعت عنها واول مرة في حياتك تشوفها.. قيمة البرامج علي الموقع ده بس تقريبا اكتر من 1500$ سنويا.. كل اللي عليك تخش بالايميل الجامعي بتاعك وتقدر تنزل اللي انت محتاجه في الوقت الحالي.
تقدر تحملهم من هنا.
دخول الي الموقع

نيجي بقي لبرنامج يعتبر مفيد لينا كلنا وهو RipTiger هو برنامج سهل جداً في استخدامه يقوم تلقائيا بتحميل اي فيديو بتشوفه علي الـBrowser بتاعك واي مواد متعلقه بالفيديو.
تقدر تحمله من هنا.
دخول الي الموقع

في ناس اكيد مهتمه يكون عندها موقع خاص بيها وهنا يجي دور WestHost للطلبه.
ده بقي بيقدملك سنة كاملة استضافة مجانيه تقدر تستفيد بيها في اي وقت.
كل التفاصيل من هنا.
دخول الي الموقع
طيب تعرف Prezi عملاق عمل الـPresentations بشكل مبدع و جذاب بيلفتك من اول مرة.
و مننساش كلنا اننا اول مرة شوفنا Presentation على Prezi انبهرنا بيها و جرينا سألنا هو البرنامج دا اسمه ايه تخيل ان اللي انبهرنا بيه دا كان على البرنامج التجريبي .. طب تخيل انك تقدر تمتلك البرنامج الأصلي من خلال الإيميل الجامعي من هنا.
دخول الي الموقع

ايميل الجامعة معتمد علي مستوي الجامعات يعني ممكن تسجل على اي موقع جامعة وتقدر تتعلم اون لاين.
وكمان تقدر تقدم على اى منحة من عليه تقدر تدور عليها علي Google براحتك.
اهم موقع انا شايفه من وجهة نظري ويعتبر من اكبر المكاسب بتاعتنا كطلبه وهو Research Gate.. دة موقع عامل زي LinkedIn كدة بس للباحثين بس.
مش بيسمح لك تسجل فيه إلا بإيميل الجامعة.
كله علم بس.. الموقع بيتيح لك التواصل مع باحثين في جميع التخصصات من جميع أنحاء العالم.. وإنك تسأل أسئلة في أي مجال وهتلاقي اللي يرد عليك من أي مكان في العالم في نفس تخصصك.
دة غير إن الـAccount عليه يعتبر كأنه C.V لك.. وبياخد Grade على حسب أبحاثك ونشاطك في وضع إجابات مفيدة لأسئلة غيرك.
دخول الي الموقع

متسيبش حقك كطالب يضيع عليك.. اعرف ايميل جامعتك.
متسيبش حقوقك تمر عليك مرور الكرام.. دمتم بخير.
اتعلّم ... وانشر علمك .!
google-playkhamsatmostaqltradent