حل مشكلة جوجل ادسينس | getandroidfree getandroidfree حل مشكلة جوجل ادسينس حل مشكلة جوجل ادسينس
U3F1ZWV6ZTMxMzgwMzkyNjgyX0FjdGl2YXRpb24zNTU0OTY1NTQxMzU=
recent
أخبار ساخنة

حل مشكلة جوجل ادسينس

حل مشكلة جوجل ادسينس 

في موضوع صار ينطرح بشكل كبير الفترة الماضية و يلي هو : إثبات حساب ادسنس ببطاقة الهوية للأجئين السوريين او العراقيين الموجودين في تركيا .
الفكرة الاساسية بإنو بطاقة الهوية الممنوحة للاجئين هي عبارة عن حماية مؤقتة ولا تصلح لأن تكون هوية و لذلك يتم رفضها من قبل ادسنس .
رأيت الكثير قد تحدث عن جواز السفر و أنه مقبول في ادسنس ، بشكل عام جواز السفر مقبول في ادسنس ولكن بشرط أن تكون قد ادخلت عنوانك في الدولة نفسها المكتوبة على جواز السفر .

الأمر بكل بساطة ليس تمييز ولا عنصرية من ادسنس بل ان ادسنس يريد إثبات هويتك بدقة فقط لا أكثر ولا أقل .

إذا ما المشكلة في الكمليك او جواز السفر ؟

كلاهما يحملان اسم المدينة التي سكنتها في سوريا و ليس في تركيا ، و هذا غير مقبول في ادسنس لان سوريا محظورة من الإنضمام إلى برنامج شركاء ادسنس .

إذا ماذا يجب أن نفعل حتى نتمكن من إثبات هويتنا و السعي وراء لقمة عيشنا من ادسنس ؟

أنا أعلم أشد العلم بحالنا نحن اللآجئين ، ضاقت بنا الحال إلى أقصى الدرجات.

أنواع الهويات المقبولة في ادسنس : 


1- هوية تابعة لشخص تركي ، ولكن للأسف هذا أمر صعب جدا على الكثيرين أن يتوفر على تلك الهوية ، فمن الذي سيسمح لك بإلتقاط صورة هويته !! (نعم إنها العنصرية يا أخي ) .

2- هوية تابعة للآجئ مجنس .
3- شهادة القيادة ، من الممكن أن يحصل اللآجئ على هذه الشهادة ولكن للأسف الأمر صعب قليلاً في قبول هذا الإثبات ... لماذا؟ لأنو ما ظبط معي شخصياً و ظبط مع صديقي 🤷‍♂️.

طيب بعد ما فهمنا الحكاية بدنا نسألك سؤال يا أسامة .

يا أخي نحنا قدمنا الكمليك أول مرة و ما انقبل و رجعنا قدمنا جواز السفر كمان ما انقبل ، قمنا اجينا نحاول مرة تانية صار يقلنا هيك :
(إنّ العنوان الذي قدّمته غير صالح! [OR-VSH-15] ).

شو نعمل ؟

الأمر بسيط جدا جدا ، رح تروح على هاد الرابط

https://support.google.com/pay/contact/account_verification?hl=ar

و رح تعبي البيانات المطلوبة متل اسمك و البريد الإلكتروني تبعك و قم المدري شو يلي رح يكتبلك بالسفل كيف تحصل عليه .
و بعدين رح ترفع صورة الكملك تبعك و .....

لحظة لحظة لحظة .... مو ع اساس الكمليك غير مقبول يا أسامة ؟
صح غير مقبول ولكن انت عم تعمل هاد الإجراء مشان تحسن تعدل على العنوان و تقدر ترسل هويتة الشخص التركي او الإقامة و تتخلص من هاد الاشعار تبع العنوان غير صحيح .

المهم بعد ما ترفع الهوية رح يقلك هل العنوان يظهر على الجهة الامامية ؟
رح تقله لا
و رح يقلك هل يظهر على الخلفية ؟
رح تقله لا و تحطله أي صورة لأي فاتورة كهربا او مي او غاز .
و بعد 24 ساعة ( يا اقل يا اكتر ) رح يصر بإمكانك تعدل العنوان و ترفع بطاقة الهوية تبع التركي او المجنس او الإقامة ( طول بالك يمكن يتأخر كتير بسبب الوضع يلي نحنا فيه مع معكرونا) .

الخطوة النهائية :
و الله بعرف انك مليت يا حبيب بس يالله هانت .

بعد ما صار بإمكانك تعدل بياناتك و عنوانك رح تتبع هي الخطوات :
1-ادخل على ملف حسابك في جوجل و غير الإسم لإسم الشخص يلي حصلت على هويته .
2- لاتنسى تعدل على تاريخ الميلاد حتى ما يصير اي خطأ.
3- روح على ملف الدفعات تبع ادسنس و غير العنوان و حط عنوان الشخص يلي حصلت على هويته او إقامته بشرط يكون عنوان بيته إلو و ليس عنوان بيتك انت و لاتنسى تعدل الاسم .

طيب كيف رح تصير طريقة الإثبات ؟
بما انو الهوية التركية مو مكتوب على الوجه الامامي او الخلفي تبعها عنوان تفصيلي فممكن تتعذب اذا رح تأثبت الهوية عن طريق الاشعار الأحمر يلي رح تلاقيه وقت تفتح حسابك بأدسنس و ممكن يطول الرد عليك .

لذلك رح تتوجه لنفس الرابط هاد
https://support.google.com/pay/?hl=ar#topic=7625138
و تحط اسم صاحب الهوية و الكنية تبعه و تحط البريد الإلكتروني نفسه يلي رابطه بأدسنس و تحط رقم المدري شو يلي رح تلاقي بأسفل الخانة كيفية الوصل لإلو .
و بعدها رح تحط صورة الهوية و حاول تكون الصورة واضحة و بشكل كبير ( اذا كان جوالك عاطل روح ع المكتبة و اسحب الهوية اسكنر على شكل pdf) .

و بعدها رح يقلك
هل يظهر عنوان المنزل على الجهة الأمامية من بطاقة الهوية؟
حطله لا

بيرجع بقلك
هل يظهر عنوان المنزل على الجهة الخلفيّة من بطاقة التعريف ويتضمّن رقم تعريف مكرّرًا على الجهتين كما هو مبيّن في هذه الصورة؟
حطله لا

و بعدين ترااا
رح يفتحلك صندوق و يطلب منك تحط فيه صورة وحدة من المستندات التالية:
1-فاتورة كهربا
2- فاتورة ماء
3- فاتورة غاز
4-كشف حساب بنكي وليس كشف حركة حساب بالكامل .

ملاااااااااحظة : تأكد من إنو الفواتير بإسم صاحب الهوية و تأكد انو العنوان مطابق للعنوان يلي قدمته .

و بعد مدة رح يقلك تهانينا كل شي تمام أو إذا كان في مشكلة رح يفتحلك تواصل مباشر مع الدعم ... مع انسان حقيقي يعني مو شقفة روبوت .

لكل شخص بيحتاج مساعدة بهاد الخصوص يتواصل معي .

إعتبروا هاد البوست بمثابتة عيدية مني إلكم .
لك لا تيئسوا شدولي حيلكم .
الاسمبريد إلكترونيرسالة