-->
U3F1ZWV6ZTMxMzgwMzkyNjgyX0FjdGl2YXRpb24zNTU0OTY1NTQxMzU=
recent
أخبار ساخنة

4- إيه هي ال Situation Analysis وال PESTEL Analysis

4- إيه هي ال Situation Analysis وال PESTEL Analysis

الخطوة التانية من خطوات ال Marketing Plan وهي ال Situational Analysis

تعالوا نعرف مع بعض إيه هي ال Situation Analysis ؟

هو إنك تبدأ تحلل الوضع الحالي للشركة الخاصه بيك والتحليل دا بينقسم لحاجتين

1- تحليل داخلي Internal Analysis
2- تحليل خارجي External Analysis ودا بردوا بينقسم لتحليلين :
- مباشر Micro Environment
- غير مباشر Macro Environment

تعالو نشوف الاول التحليل الخارجي - External Analysis

✅ وعرفنا الجزء الاول فيه وهو التحليل الخارجي المباشر
" Micro Environment "

دلوقتى هنعرف التحليل الخارجي الغير مباشر
" Macro Environment " :

ودا بنعرفه من خلال تحليل اسمه " PESTEL Analysis " :

ودا دوره انك بتعرف العوامل الخارجيه اللى حواليك عامله ازاى وتغيرها فى المستقبل هيأثر عليك والا لا, فمن خلال التحليل دا تقدر تشوف الفرص او التهديدات اللى قدامك وتخلق منها فرصه تستفيد منها او حل قبل ما تسبب مشاكل ليك

و"PESTEL Analysis " هي أختصار للحروف الأولي للعوامل المؤثرة علي الأقتصاد الكلي للدول وهي

🔗 P - Politics
🔗 E - Economics
🔗 S - Social Cultural
🔗 T - Technology
🔗 E - Environment
🔗 L - Legal

وعلشان تقدر تعمل التحليل دا فانت تقدر توصل لمعلوماته من خلال بحثك على الانترنت لان المعلومات معظمها متوافرة وسهل الوصول ليها وتكلفتها منخفضة .

تعالوا نعرف كل جزئيه منهم وناخد مثال بسيط

العوامل السياسيه " Politics " ✅

ودي بتحدد مدي تأثير الحكومة وسياستها علي مؤسسة معينة زي مثلاً.. السياسة الضربية ، الرسوم الجمركية ، حماية المستهلك والتجارة الإلكترونية

العوامل الأقتصادية " Economics " ✅
العوامل اللي بتأثر علي الأقتصاد فبتأثر علي المؤسسة زي.. أسعار الصرف ، معدل البطالة ، أسعار الفائدة ، التضخم ، القوة الشرائية للمستهلكين ..

العوامل الأجتماعية والثقافية " Social Cultural " ✅
بتركز علي البيئة الأجتماعية فبتساعدك علي فهم احتياجات العملاء زي .. مستوي التعليم ، متوسط مستوي الدخل ، الدين والمعتقدات ..

العوامل التكنولوجيه " Technology "✅
بتركز علي معدل الأبتكار التكنولوجي اللي ممكن يؤثر علي الصناعة أو السوق زي .. معدل التغير التكنولوچي ، البنية التحتية للأتصالات ..

العوامل البيئية " Environment " ✅
بتركز علي تأثير العوامل البيئية علي مؤسسة معينة زي المناخ ، قوانين حماية البيئة من التلوث ، إعادة التدوير ..

العوامل القانونية " Legal " ✅
لازم الشركه تفهم الحاجات القانونية في الصناعة اللى شغاله فيها زي.. قانون التوظيف ، قانون الصحة والسلامة ، قانون التمييز ..

بكل بساطه دا كان التحليل الخارجي الغير مباشر - تفتكر فى عوامل تانيه ممكن تأثر على الشركه بشكل خارجي ؟🤔
===================
حلقات سلسله تعلم ال Marketing Plan
تابع كل البوستات على هاشتاج
#Feel_The_Power_Of_Marketing
الاسمبريد إلكترونيرسالة