U3F1ZWV6ZTMxMzgwMzkyNjgyX0FjdGl2YXRpb24zNTU0OTY1NTQxMzU=
recent
أخبار ساخنة

8- إزاي تعمل ال Budgeting وال Implementation وال Evaluation لل Marketing Plan


8- إزاي تعمل ال Budgeting وال Implementation وال Evaluation لل Marketing Plan

أخر خطوه من خطوات ال Marketing plan وهي ال Budgeting وال Implementation وال Evaluation 📜

تعالوا نتعرف على كل واحده فيهم

🛑 budgeting
التخطيط المالي لمشروعك أو شركتك من الحاجات اللي لازم تهتم بيها ، معرفة الفلوس اللي بتدخلك واللي بتخرج وأنت علي الطريق الصحيح ولا لأ كل دي حاجات لازم تنتبه ليها

فيه معادلة أساسيه بسيطة وهي
الربح او الخساره = الأيرادات - المصاريف
لو الفرق بينهم موجب يبقا أنت حققت ربح ، لو الفرق بينهم سالب يبقا أنت خسرت ولازم تعيد حساباتك من الاول

🔸 الايرادات : هي جميع المصادر اللي بتدخلك دخل خلال فتره معينه

🔸 المصاريف أو التكاليف : فى نوعين من التكاليف المتغيره والثابته

🔸 التكاليف الثابتة : دي مبتتغيرش مع زيادة أو نقص اللى بتقدمه للعميل سواء كان منتج أو خدمة
🔸 التكاليف المتغيره: دي بتتغير مع تغير الطلب والعرض

لو عندك أرض زراعيه وبتشغل عامل فيها فالراتب بتاعه ثابت مهما قل أو زاد المحصول ولكن البذور والأسمده والمبيدات ديه تكاليف متغيرة كلما زاد الطلب علي المحصول زادت تكاليفهم
وعلشان تحقق ربح في طريقتين يأما بزيادة الأيرادات أو تقليل التكاليف (المصاريف)

لو هتستخدم الطريقة الأولي وهي زيادة الأيرادات ممكن تزود الكمية المباعة ، أو تزود من سعر البيع أو تزود الأتنين

لو هتقلل من التكاليف ، هتراجع التكاليف المتغيرة وازاي تقدر تقللها مع الحفاظ علي نفس مستوي الجودة ، أما بالنسبه للتكاليف الثابتة من رواتب ، فواتير وإيجارات لازم تتابعها لانك ممكن تكتشف انك ممكن تستغني عن جزء منها

وضعك لخطة مالية مفيد جداً وهيساعدك لكن لو من غير هدف مش هيبقا ليها معني علشان كده كل قرار تفكر فيه لازم يساعدك توصل لهدفك المالي الشهري اللي هيصب في مصلحة هدفك السنوي

في طرق لعمل ال Marketing Budget

✅ Task Method
وهي عبارة عن أنك بتعمل توقع لكل حاجه أنت ناوي تعملها وهتتكلف كام وتحسب المجموع وتبقي ديه الميزانيه اللي هتستخدمها
✅ Percentage of last year sales
لو بلفعل أنت عندك مشروع قائم وبقالك كذا سنه شغال وبتبيع منتجات وليك مكانة في الأسواق فاأنت بتاخد نسبة ثابتة من المبيعات وتحطها علي الميزانيه
✅ Same as last time (SALT)
أنك بتستخدم نفس الميزانية بتاعت السنه اللي قبلها يعني تشوف أنت كنت بتصرف كام وكنت بتصرفهم علي إيه وهكذا..

✅ All you can afford
أنك تشوف أنت معاك أد إيه وتدفعه في سبيل زيادة أرباحك

✅ Profit maximization
هتشوف أيه هي الحاجات اللي تزودلك الارباح واتكلمنا أن في طريقتين لزيادة الأرباح سواء نقلل المصاريف أو نزود الأيرادات

✅ Competitive parity
أنك تشوف المنافسين بتوعك في نفس السوق بيصرفوا أد إيه وعلي إيه وإيه هي الميزانية بتاعتهم وتعمل زيهم

🛑 Implementation

أزاي بتنفذ بقا خطتك اللي أنت عملتها زي مثلاً لو أنت عندك شركة وبتقدم منتج فبتقول مثلاً أنا هعمل campaigns علي ال social media علشان أزود ال brand awareness وبتشوف هتصرف ال budget بتاعتك علي إيه وبتحدد مدة المشروع والنتائج المتوقعة اللي عايز توصلها من المشروع ، وكمان بتشوف هل هتستخدم التسويق ال off-line وهتطبع برشورات وهكذا

🛑 Evaluation
وهو أنك بتعمل تقييم مستمر لكل عناصر خطتك

فيه مصطلح ال KPIS ده بيساعد في عملية التقييم ديه وهو عباره عن أنه بيحول العناصر لقيمة قابله للقياس من خلال الارقام ودا بيساعد جدا فى قياس مدي تقدمك .

بكدا انت تقدر تنفذ ماركتنج بلان كامله من خلال كل الحلقات اللى فاتت لحد هنا

=====================
حلقات سلسله تعلم ال Marketing Plan
1- https://2u.pw/jiyuK
2- https://2u.pw/04UQQ
3- https://2u.pw/fC2HP
4- https://2u.pw/HDRih
5- https://2u.pw/8Wau6
6- https://2u.pw/QxVS8
7- https://2u.pw/lVngs
تابع كل البوستات على هاشتاج
#Feel_The_Power_Of_Marketing
الاسمبريد إلكترونيرسالة