-->
U3F1ZWV6ZTMxMzgwMzkyNjgyX0FjdGl2YXRpb24zNTU0OTY1NTQxMzU=
recent
أخبار ساخنة

1- طريقه كتابه ال Vision


Marketing Plan


علشان تعرف تعمل Marketing Plan بشكل محترف لازم تكون ملم بكل جوانبها وتعرف خطواتها بالظبط ماشيه ازاى , لذلك فى السلسه دي هنبدأ مع بعض بشرح خطوات ال Marketing Plan من اول خطوه لاخر خطوه

======================

أول خطوة من خطوات ال Marketing Plan وهي ال Introduction

وهي بتبقي عبارة عن ملخص عن الشركة ونشاطها ومنتجاتها
وال Mission وال Vision بتاعها

تعالوا نعرف ايه هيا ال Vision :

كان ليها كذا تعريف " هى نظرتك وتخيلك للشركه على المدي البعيد اللي عايزها توصله أو صورة ذهنية للشركة في نقطة فى المستقبل او زي ما قولنا انت شايف لحد فين "

بس المضمون أننا بنكون صورة عن الشركة ونرسم هيا هتوصل لأيه بعد 5 أو 10 سنين زي مثلاً
(كم عدد المواظفين ؟ كم فرع ليها ؟ ترتيبهم بين المنافسين ؟ كم ايراداتهم ؟ وهكذا..)

لكن أزاي نقدر نكتب ال Vision ؟

بنبدأ نجمع فريق الشركه وبنطرح عليهم أسئله وبيجاوبوا عليها فردياً
زي مثلاً : ايه هيا أهم منتجاتنا أو خدمتنا بعد 5 سنين أو 10 سنين ؟
كم عدد الموظفين اللى هيكونوا موجودين ؟
كم فرع هنفتتحهم ؟
وضعنا المالى شكله هيبقي ايه ؟ وبتبدأ تغطي كل الأسئله دي
وبعد أسبوعين بيتجمعوا تانى ويتناقشوا في الأجابات وبعدين رئيس الفريق بيجمع الأجابات دي في أتجاه واحد لو كانت مختلفة ويعرضوها علي رئيس الشركة

لذلك الرؤية هي بتكون صفحة مليانه بالأرقام في النواحي المالية والتقنية والادارية ..الخ
وكل حاجه فيها بتكون قابله للقياس

فى قاعدة بتقول:
If you can’t measure it, you can’t manage it.

أي شيء لا تستطيع قياسه ، لا يمكنك إدارته لذلك اشتغل بيها

لكن البعض بيأخذ كل الارقام دي بعد ما نوضحها و يلخّصها في جملة واحدة علشان تكون مختصره ومفهومه ودا بيكون الافضل .

مثال على كدا

شركة صافولا للزيوت اللي لخصت رؤيتها في جملة مكونة من 3 أرقام وهي
555

اللي معناها مبيعات ب 5 مليون بجهود 500 موظف خلال 5 سنين وبقي كل اللي في الشركة شغال علشان يحقق ال Vision دي

ال Vision بتكون مختصرة وأحياناً بتبقي غامضه ده غير أن الVision بتبقي حاجه خاصة بكل شركة وبأحلامها فبتختلف من شركه للتانيه .

لحد هنا عرفنا ازاى ال Vision بتتكتب , لكن تقدر تقولنا دلوقتى Vision حقيقيه لشركه موجوده فى السوق ؟ 🤔

تابع كل البوستات على هاشتاج
#Feel_The_Power_Of_Marketing
الاسمبريد إلكترونيرسالة