طريقة كتابة السيناريو

هل انت قوي كفايه علشان تنافس ؟
علشان تعرف البيزنس بتاعك قوي كفايه والا لا , بتبدأ تعمل تحليل داخلى للبيزنس بتاعك ودا اللى بيندرج تحت مصفوفه " SWOT Analysis "

تعالوا نعرف ايه هو التحليل الداخلى للمؤسسه او SWOT Analysis :

هو Model بنستخدمه علشان نقييم موقع البيزنس بتاعنا فى السوق ونحدد بيه نقاط القوة والضعف والفرص والتهديدات اللي بيتعرضلها البيزنس وكلمة SWOT هي اختصار لأربع كلمات
🔗 S :strength - نقاط القوة
🔗 W :weakness - نقاط الضعف
🔗 O:opportunities - الفرص
🔗 T:threats - التهديدات

✅Strength - نقاط القوه

نقطه القوه اللى بتملكها بتبقي من اهم العوامل اللى بتساعد على نجاح البيزنس بتاعك , وبتمييزه عن غيره من البيزنس المشابه ليك ومن اهم نقاط القوه ان يكون عندك

براند قوي
طاقم عمل قوي
ميزانية عمومية قوية
تكنولوجيا متماشيه مع السوق وغيره ...

البيزنس اللي بيبقي عارفة نقاط القوة بتاعته بيعرف ينافس بشكل قوي في السوق

✅Weakness - نقاط الضعف

هى العوامل اللى ممكن تأثر على نجاح البيزنس بتاعك فى السوق او العوامل اللى بيكون البيزنس بتاعك محتاجها لكنه لسه مش قادر ينفذها زي مثلا

أن البيزنس بتاعك يكون جديد والمستهلكين ميعرفوش عنه كتير
انخفاض الوعي بالبراند بتاعك
نقص فى طاقم العمل
قاعدة العملاء اللي عندهم ولاء للبيزنس ضعيف

فأنت بمجرد ما تعرف نقط الضعف اللى موجوده عندك , بتبدأ تشتغل عليها وتقلل تأثيرها او تحولها لنقطه قوه لصالحك

✅Opportunities - الفرص

العوامل اللى بتكون قادر تشوفها فرصه لصالح البيزنس بتاعك , واللى ممكن تستخدمها كميزه تنافسيه قويه - Competitive Advantage كمان , زي مثلا ان يكون عندك علاقات قويه من خلالها تقدر تفتح لنفسك اسواق جديده ..

✅Threats - التهديدات

العوامل اللي بتأثر على البيزنس بتاعك بالسلب وممكن تسببلك ضرر زي مثلاً

أنك تكون الموزع الوحيد لمنتجٍ ما في السوق، فيظهر منافس جديد قوي
تغييرات في تفضيلات المستهلكين.
ارتفاع تكاليف المواد الخام واللى ممكن تاثر عليك بالسلب
لذلك من المهم جدا تعرف التهديدات اللى بيواجها البيزنس بتاعك علشان تقدر تتجنبها

لذلك من المهم جدا انك تبدأ تعمل تحليل للبيزنس بتاعك وتشوف الاربع نقط اللى اتكلمنا عنهم بشكل كويس علشان تعرف البيزنس بتاعك رايح لفين 🤝

=====================
حلقات سلسله تعلم ال Marketing Plan
1- https://2u.pw/jiyuK
2- https://2u.pw/04UQQ
3- https://2u.pw/fC2HP
4- https://2u.pw/HDRih
تابع كل البوستات على هاشتاج
#Feel_The_Power_Of_Marketing

فهرس الدورة 

1. طريقه كتابه ال Vision
2. طريقه كتابه ال Mission
3. إيه هي ال Situation Analysis وال External Analysis
4. إيه هي ال Situation Analysis وال PESTEL Analysis
5. إيه هيا ال SWOT Analysis
6. إزاي تقدر تحدد وتقيس ال Objective الخاص بالبيزنس
7. إيه هو ال ال Marketing Mix وال 4Ps - 7Ps - 4Cs
8. إزاي تعمل ال Budgeting وال Implementation وال Evaluation لل Marketing Plan